Todos os podcast | Como que non?

Alberto Cunha presentounos unha nova edición de "As 5 Escalas de Cunha" na que foi quen de unir musicalmente 5 conceptos partindo do Mosteiro de San Pedro de Rocas e con Kurt Russell como destino. Dani Lorenzo volveu tratar o tema do "Spanish Bizarro" no seu "Mundo Paquitof" e puidemos gozar da música de Salvador Dalí e Jaime de Mora y Aragón ( e non é broma...) Alejandro Martínez "Pini" analizou unha nova Efeméride de Entrada proposta polo noso director Carlos Tresandí. J. Pablo Sangiao estivo subdirixindo todo o programa e Fran Rodríguez encargouse de puntualizar todo o que foi necesario. A música en directo volveron poñela os Solitude Jazz Quartet (Adonais Pereira ao piano, Xoel Rivas á batería, André Soaxe ao baixo e Jorge Ferreira ao saxofón) que nos interpretaron o clásico tema de Miles Davis: "Nardis".

El amosouse disposto a loitar por un posto na Gran Final de xuño. Sería quen de conseguilo? J. Pablo Sangiao volveu deleitarnos con outra Versión Sangiao, Alejandro Martínez "Pini" analizou unha nova Efeméride de Entrada. Ollo! Non vos podedes perder a Fran Rodríguez pedíndolle ao outono que volva... Unha fantasía... Dani Lorenzo e Alberto Cunha estiveron botando unha man cando foi preciso e a música en directo púxoa nesta ocasión os Solitude Jazz Quartet (Adonais Pereira ao piano, Xoel Rivas á batería, André Soaxe ao baixo e Jorge Ferreira ao saxofón) que nos interpretaron un clásico: "Manhã de Carnaval"..

Entroutras cousas, contounos o que significou tocar en Castrelos para un vigués coma el. Ademais respondeu unha nova pregunta de Pepe Capelán no seu CCCP. Alberto Cunha e Dani Lorenzo estiveron quecendo na banda para saír cando fose preciso. Alejandro Martínez "Pini" volveu analizar unha nova Efeméride de Entrada. Fran Rodríguez abriu as portas do Museo Mutante para amosarnos unha das súas últimas adquisicións: unha figura de Godzilla coa que aproveitou para falarnos do monstro nipón. E para rematar, J. Pablo Sangiao e o saxofonista Jorge Ferreira interpretaron en rigorosa primicia, e en directo, un tema inédito de LaBandaDelCuarto: "Pócima de Bronce".

Responderon a unha nova pregunta de Pepe Capelán no "Consultorio Con Capelán Pregunta" (CCCP). Ademais estreamos nova sección no programa: "As 5 escalas de Cunha". Unha sección na que Alberto Cunha debe pasar por 5 conceptos diferentes que teñan unha ligazón musical entre eles. A proposta deste primeiro programa (cortesía do noso COMOQUENONER DE HONRA 2026 Óscar Rosende) levouno desde a Raíña Isabel a Católica ata o Mosteiro de San Pedro de Rocas. Como enlazaría musicalmente eses dous conceptos en 5 escalas? Tamén volveu o "Mundo Paquitof" de Dani Lorenzo que nos propuxo somerxernos no mundo do Spanish Bizarro... Non ten desperdicio o que nos trouxo de Fernando Fernán Gómez. Houbo "Efemérides de Entrada" con Alejandro Martínez "Pini", estivo colaborando Fran Rodríguez e, a maiores, J. Pablo Sangiao veu acompañado do saxofonista Jorge Ferreira para interpretarnos o tema "Otras Flores" con LaBandaDelCuarto Sax Version.

Nesta ocasión tocoulles concursar a Juan de Castro e Miriam Álvarez, directores do Galicia Freaky Film Festival que este 2026 chegou á súa décima edición. Iniciamos o programa coas Efemérides de Entrada de Alejandro Martínez "Pini", volveu a Versión Sangiao cunha I. P. Edition e, como non podía ser doutro xeito, tamén estiveron Fran Rodríguez, Dani Lorenzo e Alberto Cunha. A nota musical deste programa puxerona a Sax Version de LaBandaDelCuarto (J. Pablo Sangiao & Jorge Ferreira) que nos interpretaron en primicia o seu tema "Matón de Ayer".