Falámoslles dunha iniciativa que busca inspirar a xuventude a interesarse pola ciencia, a tecnoloxía e a enxeñaría a través do automobilismo. Trátase da carreira Green Power Galicia, na que rapaces e rapazas entre 11 e 25 anos compiten por percorrer a maior distancia posible en vehículos eléctricos que contrúen eles mesmos. A competición, que acaba de celebrar a súa terceira edición no circuíto de karting das Pontes, bateu este ano o seu récord de participantes. Tomaron parte 12 equipos procedentes de diversos puntos de Galicia, Asturias e o País Vasco. Cada un en representación dun instituto, universidade ou centro de formación profesional. Mais aló dos resultados, a carreira deixou verdadeiras mostras de innovación por parte dos equipos participantes,. Ten todos os detalles, Nuño Alonso.
España