AI, DIOMIO!

Hoxe no Ai, Diomio! vamos ata a porta da Galiza, na fronteira con Portugal e Zamora. O Mark estivo falando sobre ser da Mezquita mais nado en Barcelona, de ser catalán ou galego, sobre a transmisión do galego na diáspora, o baile como vía para manter a conexión coa terra, do seu sinxelo KADŌ2 e de nova música, sobre a Festa dos Reis da Mezquita e sobre a loxística de vivir no rural.

Desta volta estiven con Rubén Gutiérrez, mellor conhecido como Peitoescuro sobre a súa música e sobre o seu primeiro albúm "Semente na fenda". Ademais, falamos sobre ser de Madrid e ir vivir a Quiroga, sobre relixión, sobre o ideal e a realidade de habitar o "rural", sobre traballar con Iago Pico, sobre formar unha familia, sobre aprender galego e sobre ser o presidente da comunidade de montes.

Desta volta no AI, DIOMIO! seguimos en Lugo diseccionando a Viveiridade coa Konachadas. Estivemos falando de conhecernos no BurgerKing, de ser marinhá e lucense, do CR Celeiro, do Grao en Publicidade e RRPP, de odiar Vigo, de ser a única da clase que fala galego, das cloacas do mundo das axencias de publicidade, de non ir de Erasmus e de buscar o teu nicho na creación de contido.#Konachadas #Viveiro #Lugo #AiDiomio #PodGalego

Estreamos 3ª tempada do AI, DIOMIO! co Xoán Fórneas, ou O Xoán, se falamos del musicalmente. Estivemos falando de ser de San Martinho de Goberno e de Castro de Rei, do seu primeiro single #Ferido, do Castro de Viladonga, de interpretar a Castelao no filme #AntesDeNós, de ser Quique na serie de Netflix #Respira, de comer butelo, das dotes vocais de Pablo Alborán, de non ser un santo, de De Ninghures, de emigración ao infermo (Madrid) e de aprender a falar con gheada.

Hoxe estivemos co Eris Mackenzie, ex-carralés e castelense convencido. Estiven falando con el sobre nomes artísticos, buscar a túa identidade artística, xogar cos ollos do porco, darlle de comer polinhos á cadela, o cheiro de Cambre, falar espanhol co médico, da sinestesia, de Tourinhán e de medidas pequenas para ir afogando ao galego pouco a pouco. A non perder!

#ErisMackenzie #MeuCeu #AiDiomio #PodCast